Рады вітаць Вас на сайце Дома-музея Якуба Коласа!

Падарункі ад музея

Сябры! 2024 год з’яўляецца важным годам у гісторыі дома Песняра, бо ў гэтым годзе мы адзначаем юбілей музея - 65 гадоў з адкрыцця першай экспазіцыі

У сувязі з гэтым, на працягу ўсяго года, дзяржаўны літаратурна-мемарыяльны музей Якуба Коласа дорыць падарункі сваім дарагім гасцям! Усім наведвальнікам, каму ў 2024 годзе спаўняецца 65 гадоў, дом Коласа дорыць бясплатнае наведванне музея пры прад’яўленні пашпарта
А наперадзе нас чакае яшчэ шмат падарункаў і розыгрышаў. Святкуем юбілейны год разам!

29 красавіка 2024 года а 17.00 Дзяржаўны літаратурна-мемарыяльны музей Якуба Коласа запрашае на адкрыццё часовай літаратурна-мастацкай экспазіцыі «Шаржы на класікаў».

На вядомых нам партрэтах беларускіх паэтаў і пісьменнікаў – Якуба Коласа, Янкі Купалы, Максіма Багдановіча, Янкі Маўра, Змітрака Бядулі, Кандрата Крапівы, Максіма Лужаніна і іншых – тых партрэтах, якія мы прывыклі бачыць у падручніках і кнігах, яны звычайна паказаны сталымі і сур’ёзнымі, такімі, якімі і сапраўды павінны выглядаць майстры пяра.

На часовай экспазіцыі наведвальнікі ўбачаць іх зусім іншымі – жартаўлівымі, смешнымі і па-сяброўску іранічнымі. На часовай экспазіцыі, якая аб’яднала матэрыялы не толькі з фондаў Дзяржаўнага літаратурна-мемарыяльнага музея Якуба Коласа, але і з Дзяржаўнага літаратурнага музея Янкі Купалы, Дзяржаўнага музея гісторыі беларускай літаратуры, Беларускага архіва літаратуры і мастацтва, Беларускага Саюза мастакоў, будуць прадстаўлены шаржы на вядомых дзеячаў беларускай літаратуры такіх мастакоў, як Я. Кашкель, Б. І. Антаноўскі, І. Ігін, А. В. Волкаў, Дз. М.  Красільнікаў, С. Р. Раманаў, Г. Дакальская, Я. М. Ганкін, М.А. Малевіч, К.С. Елісееў, Ц-Г. Кіпніс, а таксама іншыя цікавыя матэрыялы з фондаў музеяў.

Экспазіцыя арганізавана сумесна з навукова-метадычным часопісам «Роднае слова», дзе на працягу апошніх гадоў ажыццяўляецца праект «У анталогію беларускага шаржу». Дзякуючы яму ўпершыню ў гісторыі беларускага выяўленчага мастацтва сур’ёзна распавядаецца пра жанр з «несур’ёзнай» рэпутацыяй, а дзясяткі выяў вернуты ў навуковы зварот.

САРДЭЧНА ЗАПРАШАЕМ!

Адрас музея: г. Мінск, вул. Акадэмічная, 5

Тэлефон для даведак: 8 017 270 17 02

Афіцыйны сайт музея: www.kolasmuseum.by

https://www.godedinstva.by

Праект "Віртуальная галерэя памяці"image widget

Наведвальнікам

Кошт на паслугі музея:

Наведванне асноўнай экспазіцыі:

Школьнікі – 3,50 руб.

Навучэнцы ПТВ, ССНУ, студэнты ВНУ ‒ 4,00 руб.

Дарослыя – 6,50 руб.

Сям’я (3-4 чалавека) – 10, 00 руб.

Экскурсійнае абслугоўванне:

Дарослыя ў складзе групы (5 ‒ 20 чал.) – 10,00 руб.

Дарослыя індывідуальныя наведвальнікі (1 ‒ 4 чал.) – 7,00 руб

Школьнікі, навучэнцы ПТВ, ССНУ, студэнты ВНУ (5 ‒ 20 чал.) – 8,00 руб.

Школьнікі, навучэнцы ПТВ, ССНУ, студэнты ВНУ (1 ‒ 4 чал.) – 5,00 руб.

Кошт уваходнага квітка на экспазіцыю ў ільготны дзень (апошні панядзелак месяца):

Школьнікі, навучэнцы ПТВ, ССНУ, студэнты ВНУ – 0,50 руб.

Дарослыя – 1,00 руб.

Лекцыя:

Усе катэгорыі наведвальнікаў – 1,00 руб.

Дэманстрацыя кантэнту віртуальнай рэальнасці з выкарыстаннем сэнсарных тэхналогій (фармат 3Д) «Мінск Коласа ў 30-я гг. ХХ ст.» - 1,50 руб.

Часовыя экспазіцыі, створаныя на аснове ўласных музейных фондаў:

Для ўсіх катэгорый наведвальнікаў – 1,00 руб.

Куратарская экскурсія па часовай экспазіцыі, створанай на аснове ўласных музейных фондаў:

для ўсіх катэгорый наведвальнікаў – 5,00 руб.

Тэатралізаванае прадстаўленне па казках Якуба Коласа:

Школьнікі – 3,50 руб.

Інтэрактыўныя музейна-педагагічныя праграмы, майстар-класы, квэсты і гульні («Я – міністр грыбной гаспадаркі», «Пішу як Колас», «Гэта – наша насценгазета», «А вось як будзеце вучыцца, то можна сэнсу і дабіцца» «Таямніцы дома Песняра», «Жыццё па Коласу», «У пошуках страчанага часу»):

Школьнікі – 5,00 руб.

Інтэрактыўныя праграмы

(вяселле, дзень народзінаў, выпускны баль) – 200,00 руб.

Творчыя і адукацыйныя праекты музея:

«Простыя словы» – 6,50 руб.

«На Акадэмічнай» - 15,00 руб.

«Творчая лабараторыя “Тэатр + музей”» - 20,00 руб.

«Літаратурнае чаяванне»:

кошт уваходнага квітка з 1 наведвальніка – 20,00 руб.;

кошт уваходнага квітка на групу з 6 наведвальнікаў - 100,00 руб.

Выраб копіі гістарычных апублікаваных дакументаў з фондаў музея на папяровым носьбіце А4, за 1 ліст дакумента:

для фізічных асоб – 5,00 руб.;

для юрыдычных асоб – 10,00 руб.

Выраб копіі гістарычных апублікаваных дакументаў з фондаў музея ў электронным варыянце, за 1 ліст дакумента:

для фізічных асоб – 3,50 руб.;

для юрыдычных асоб – 6,50 руб.

Навукова-даследчая праца з рарытэтнымі (рэліквійнымі) экспанатамі музея ў памяшканні фондасховішча, за 1 ліст дакумента:

для фізічных асоб – 15,00 руб.;

для юрыдычных асоб – 30,00 руб.

Напісанне сцэнарыяў па тэме жыцця Якуба Коласа для правядзення літаратурных святаў, для юрыдычных асоб, 1 старонка А4 – 10,00 руб.

Фотаздымак 1 унікальнага прадмета (1 дакумента) з фондаў музея для фізічных і юрыдычных асоб – 15,00 руб.

Тэле-,відэа-, кіназдымкі, 1 гадзіна:

для фізічных асоб – 150,00 руб.;

для юрыдычных асоб – 500,00 руб.

Індывідуальная вусная кансультацыя па тэме жыцця і творчасці Якуба Коласа працягласцю 1 акадэмічная гадзіна:

для фізічных асоб – 8,00 руб.;

для юрыдычных асоб – 10,00 руб.

Кошт уваходнага квітка на экспазіцыю ў філіялах музея:

«Акінчыцы»:

Школьнікі – 2,00 руб.

Навучэнцы ПТВ, ССНУ, студэнты ВНУ – 3,00 руб.;

Дарослыя – 4,00 руб.

«Альбуць»:

Школьнікі – 2,00 руб.

Навучэнцы ПТВ, ССНУ, студэнты ВНУ – 3,00 руб.;

Дарослыя – 4,00 руб.

«Ласток»:

Школьнікі – 1,00 руб.

Навучэнцы ПТВ, ССНУ, студэнты ВНУ – 2,00 руб.;

Дарослыя – 3,00 руб.

«Смольня»:

Школьнікі – 2,00 руб.

Навучэнцы ПТВ, ССНУ, студэнты ВНУ – 3,00 руб.;

Дарослыя – 4,00 руб.

У філіяле «Смольня» кожны аб’ект (літаратурны музей, мемарыяльная хата) аплочваецца асобна.

Экскурсійнае абслугоўванне:

Дарослыя ў складзе групы (5 ‒ 20 чал.) – 10,00 руб.

Дарослыя індывідуальныя наведвальнікі (1 ‒ 4 чал.) – 6,00 руб

Школьнікі, навучэнцы ПТВ, ССНУ, студэнты ВНУ (5 ‒ 20 чал.) – 8,00 руб.

Школьнікі, навучэнцы ПТВ, ССНУ, студэнты ВНУ (1 ‒ 4 чал.) – 5,00 руб.

Пры правядзенні музеем сумесных мерапрыемстваў i часовых экспазіцый з іншымі юрыдычнымі i фізічнымі асобамі на камерцыйнай аснове кошт білетаў устанаўліваецца на дагаворных умовах.

Згодна з п. 4 арт.164 «Кодекса аб культуры Рэспублікі Беларусь» ад 20.07.2016 № 413-3 музеі, якія поўнасцю або часткова фінансуюцца за кошт сродкаў рэспубліканскага і (або) мясцовых бюджэтаў, прадастаўляюць наведвальнікам музея не радзей за адзін раз у месяц у дзень, вызначаны музеем, які з’яўляецца юрыдычнай асобай, або юрыдычнай асобай, падраздзяленнем якой з’яўляецца музей, права бясплатнага (ільготнага) наведвання музея для агляду экспазіцый, створаных на аснове ўласных музейных фондаў, а інвалідам, ветэранам Вялікай Айчыннай вайны, ваеннаслужачым тэрміновай ваеннай службы, грамадзянам, якія праходзяць альтэрнатыўную службу, шматдзетным сем’ям, дзецям да сямі гадоў, дзецям-сіротам, дзецям, якія засталіся без апекі бацькоў, асобам з ліку дзяцей-сірот і дзяцей, якія засталіся без апекі бацькоў, асобам з асаблівасцямі псіхафізічнага развіцця, якія атрымліваюць дашкольную, агульную сярэднюю, спецыяльную, прафесійна- тэхнічную, сярэднюю спецыяльную, вышэйшую адукацыю, музейным работнікам – пастаянна.

Згодна з абзацам шостым часткі першай артыкула 40 Закона Рэспублікі Беларусь ад 30 лістапада 2010 г. №197-3 «Аб донарстве крыві і яе кампанентаў» (рэдакцыя Закона Рэспублікі Беларусь ад 14 кастрычніка 2022 года №214-3 «Аб змяненні законаў па пытаннях аховы здароўя, донарства крыві і яе кампанентаў») прадастаўляць права бясплатнага наведвання музея для агляду экспазіцый, створаных на аснове ўласных музейных фондаў, донару, узнагароджанаму нагрудным знакам адрознення Міністэрства аховы здароўя «Ганаровы донар Рэспублікі Беларусь».

Згодна Пагадненню аб супрацоўніцтве Міністэрства культуры Рэспублікі Беларусь і Міністэрства адукацыі Рэспублікі Беларусь ад 15.09.2022 года прадастаўляецца бясплатнае наведванне школьнікам і навучэнцам ліцэяў і каледжаў па пярэдняму запісу кожную апошнюю сераду да 31.12.2024 года.

Заўсёды рады бачыць вас у Доме Песняра! 

НАШ ІНФАРМАЦЫЙНЫ ПАРТНЁР - ТЭЛЕКАНАЛ АНТ