Пачалося свята з тэатралізаванай экскурсіі у гаражы паэта.
Затым дзеці і дарослыя з задавальненнем распісалі эка-торбы, зрабілі паштоўкі ў тэхніцы квілінг, паўдзельнічалі ў майстар-класе па сілуэтным выразанні, даведваючыся падчас яго пра сям'ю Якуба Коласа.
Перад гасцямі выступілі таленавітыя акцёры гуртка "Жывое слова" СШ № 125, "ажывілі" герояў Якуба Коласа Лабановіча, Ядвісю, Ганну і Міхала.
Наведвальнікі з натхненнем сыгралі ў новую музейную гульню "Жыццё па Коласу" і ў іншыя цікавыя гульні.
Госці патанчылі пад песні гурта "Арацэя", адчулі сябе вандроўнікамі ў мінулае разам з клубам сярэднявечнай рэканструкцыі "Берасцейская харугва".
...Што захоўваў Якуб Колас у сваіх куфэрках, заставалася доўга вялікай таямніцай, але падчас "Ночы музеяў-2021" галоўны захавальнік фондаў музея Васіліна Міцкевіч раскрыла гасцям Дома Коласа іх таямніцу.
Увечары музей запрасіў усіх меламанаў на канцэрт гурта The Apples, сям'і Бартосікаў і Віктара Шалкевіча.
Унучка Якуба Коласа М. М. Міцкевіч падрыхтавала для музыкаў з дуэта The Apples падарунак - кнігі Якуба Коласа "Сымон-музыка" з аўтографам нашчадкаў паэта. Андрыс Рыдзігер і Іван Воранаў былі уражаны, удзячны і расчулены.
"Ноч музеяў-2021" скончылася, але цікавыя праекты ў музеі яшчэ не раз парадуюць наведвальнікаў.