У імпрэзе прынялі ўдзел прадстаўнікі сям'і Міцкевічаў (унучка Якуба Коласа Марыя Міхайлаўна Міцкевіч, галоўны захавальнік фондаў Дзяржаўнага літаратурна-мемарыяльнага музея Якуба Коласа праўнучка Якуба Коласа Васіліна Валер'еўна Міцкевіч), беларускія паэты Віктар Шніп, Генрых Далідовіч, Яўген Хвалей, Леанід Дранько-Майсюк, вядомыя вучоныя, калегі і сябры Міхася Канстанцінавіча. На выставе можна пабачыць цудоўныя фотаздымкі, зробленыя Міхасём Канстанцінавічам, а таксама яго партрэты, асабістыя рэчы, дакументы, кнігі з аўтографамі, лісты і ўзнагароды юбіляра. Выстава працуе штодзённа, акрамя нядзелі. Замова экскурсіі па тэл. 270 17 02
«Не проста сынам быць вялікага паэта»
03.03.2021
У Дзяржаўным літаратурна-мемарыяльны музеі Якуба Коласа адбылося адкрыццё часовай экспазіцыі «Не проста сынам быць вялікага паэта», прымеркаванай да дня нараджэння малодшага сына Якуба Коласа Міхася Канстанцінавіча Міцкевіча.