За сваё жыццё акцёр пражывае сотні жыццяў. Яго творчасць заварожвае, даючы гледачам тэмы для разважанняў. Адным толькі жэстам, поглядам ён здольны адлюстраваць тое, для чаго іншаму не хопіць і сотні словаў. Акцёру музычнага тэатра для стварэння вобразу неабходны не толькі талент, знешнія дадзеныя, эмацыянальная памяць, жыццёвы і сцэнічны вопыт, але і дынамічны акцёрскі тэмперамент, цудоўныя вакальныя і харэаграфічныя дадзеныя, бо менавіта ў музычным тэатры спевы, танцы і рухі служаць для развіцця дзеяння, паказу ідэі спектакля і складаюць адзінае цэлае з драматычным дзеяннем.
Варта заўважыць, што класік беларускай літаратуры Якуб Колас заўсёды любіў музыку, добра спяваў, валодаў скрыпкай. Цікава, што Канстанцін Міхайлавіч меў не толькі музычны і літаратурны талент, але і артыстычныя здольнасці. Калі вучыўся ў настаўніцкай семінарыі, не раз прымаў удзел ў творчых вечарах, выступаў на сцэне ў якасці артыста, дэкламатара, апавядальніка. На гэтых вечарынах “меў надзвычайны поспех і сярод таварышаў, і настаўнікаў, і гарадской публікі”. Успамінаючы п’есу-жарт “Пашыліся ў дурні” у пастаноўцы Беларускага музычна-драматычнага гуртка, Колас адзначаў: “Тэатр страшэнна зацікавіў мяне, і ў ім я пачуў вялікую сілу падняцця народнага духу і яго гонару, і нішто, як ён, не можа зрабіць столькі для адраджэння Беларусі”. Якуб Колас напісаў пяць п’ес, да таго ж спектаклямі сталі шматлікія паэтычныя і празаічныя творы песняра.
У канцэрце “На струнах душы” у выкананні студэнтаў БДАМ прагучаць арыі, дуэты, ансамблі з опер, аперэт, мюзіклаў і музычных камедый, а таксама народныя песні.
Сардэчна запрашаем!
Кантактны тэлефон: (017) 270 17 02
Адрас: г. Мінск, вул. Акадэмічная, 5
e-mail: info@kolasmuseum.by
сайт: www.kolasmuseum.by