Майстры выцінанкі Віталь Назарэвіч і Стася Кузьміч распавялі пра тое, што натхняе іх на творчасць, сваю кнігу прэзентавала Марыя Шыбанец, аздобіўшы выступленне спевамі. А ў музычнай частцы тон святу задаваў знакаміты гурт "Ліцвіны" на чале з Уладзімірам Бярберавым. Цудоўна выступілі хлопцы з гурта "Стажары", а скончылася вечарына агнявымі беларускімі народнымі танцамі пад гукі гармоніка Аляксея Крукоўскага.
