Ёсць у музыцы нейкая чароўная магія, якая абуджае патаемныя струны нашае душы. Музыка і паэзія гавораць з намі на адной мове – мове кахання.
У доме Якуба Коласа часта гучала музыка – народны паэт вельмі яе любіў, добра граў на скрыпцы і спяваў, слухаў па радыё народныя мелодыі і царкоўныя спевы. Мела прыгожы голас і жонка Песняра Марыя Дзмітрыеўна. У пачатку мінулага стагоддзя ў доме Коласа з’явіўся раяль, яго набылі для унукаў паэта – Якуб Колас высока ацэньваў карысць музычнай адукацыі.
Адным з самых мілагучных, шчымлівых, адкрытых чалавечаму сэрцу музычных жанраў з’яўляецца раманс.
Сёння ў рэпертуары вядомага артыста, былога саліста аперэты Віктара Шабуні (у Беларускім дзяржаўным акадэмічным музычным тэатры сыграў каля 40 роляў!) сёння больш за сотню рамансаў. У канцэрце прагучалі самыя любімыя публікай рамансы, а таксама беларускія народныя песні і кампазіцыі на вершы Якуба Коласа, Максіма Багдановіча і іншых паэтаў.