МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ
ДЗЯРЖАЎНЫ ЛІТАРАТУРНА-МЕМАРЫЯЛЬНЫ МУЗЕЙ
ЯКУБА КОЛАСА
Інфармацыйнае паведамленне
03.11 – 04.11.2021 г.
запрашаем Вас прыняць удзел у юбілейнай
XXXV навуковай канферэнцыі «Каласавіны»
Канферэнцыя будзе адбывацца на базе Дзяржаўнага літаратурна-мемарыяльнага музея Якуба Коласа і філіяла музея «Мікалаеўшчына»
Да ўдзелу запрашаюцца спецыялісты па ахове гісторыка-культурнай спадчыны, спецыялісты ў галіне навуковага коласазнаўства, гісторыі беларускай літаратуры ХІХ–ХХ стст., мовазнаўства, гісторыкі, архівісты, журналісты, культуролагі, мастацтвазнаўцы, спецыялісты музейнай справы, выкладчыкі ВНУ.
Праблематыка канферэнцыі:
- Літаратурная спадчына Якуба Коласа, новыя адкрыцці. Да 115-годдзя пачатку літаратурнай творчасці народнага паэта і 105-годдзя выхаду ў свет кнігі «Казкі жыцця».
- Актуальныя праблемы мовазнаўства.
- Актуальныя пытанні сучаснага музеязнаўства.
- Праблемы вывучэння, фіксацыі і інтэрпрэтацыі рухомых і нерухомых помнікаў гісторыі і культуры.
- Краязнаўчы рух і літаратурныя музеі. Праблемы ўзаемадзеяння.
- Роля краязнаўства ў захаванні і папулярызацыі гісторыка-культурнай спадчыны.
Для ўдзелу ў канферэнцыі неабходна да 15 кастрычніка 2021 г. падаць заяўку на ўдзел у канферэнцыі на электронны адрас info@kolasmuseum.by
Для публікацыі дакладаў неабходна да 20 кастрычніка 2021 г. выслаць матэрыялы на электронны адрас info@kolasmuseum.by
Да канферэнцыі плануецца выданне зборніка матэрыялаў «Каласавіны».
Рабочыя мовы канферэнцыі – усе славянскія.
Удзел у канферэнцыі бясплатны. Праезд і пражыванне за кошт камандзіруючага боку.