“Для вас, душою чулых”

26.09.2024

“Для вас, душою чулых”
Сумеснае мерапрыемства музея Якуба Коласа і Вялікага тэатра Беларусі, прысвечанае 85-годдзю оперы А. В. Багатырова “У пушчах Палесся”
 28 жніўня 1939 года на сцэне Дзяржаўнага тэатра оперы і балета Беларускай ССР адбылася прэм’ера оперы А. Багатырова “У пушчах Палесся (Дрыгва)”. У аснове лібрэта оперы, створанага Яўгенам Рамановічам, ляжала аповесць Якуба Коласа «Дрыгва». У 1941 годзе кампазітару за оперу «У пушчах Палесся» была прысуджана Дзяржаўная прэмія СССР.
5 верасня 2024 года пад час мерапрыемства “Для вас, душою чулых” у музеі Якуба Коласа будзе экспанавацца выстаўка ўнікальных фотаздымкаў і афіш з архіва Вялікага тэатра Беларусі, прысвечаная юбілею оперы “У пушчах Палесся”.
А ў 18.30 адбудзецца канцэрт салістаў Вялікага тэатра Беларусі: народнай артысткі Беларусі Анастасіі Масквіной, лаўрэатаў міжнародных конкурсаў Аляксандра Гелаха, Дар’і Гаражанка, Андрэя Сялюціна. Прагучаць творы беларускіх кампазітараў А. Багатырова, У. Алоўнікава, Ю. Семянякі, У. Солтана, Р. Пукста, Д. Смольскага, А. Атрашкевіч на словы Якуба Коласа, Янкі Купалы, Адама Русака, Васіля Жуковіча, народныя песні і арыі з опер. Рэжысёр канцэрта − Наталля Бараноўская. Канцэртмайстар − лаўрэат міжнародных конкурсаў Ірына Буцель.
Па завяршэнні канцэртнай праграмы гледачоў чакае сюрпрыз ад плэйбэк-тэатра “Свой дах”.
Да 65-годдзя музея Якуба Коласа ўваход на мерапрыемства “Для вас, душою чулых” вольны.

САРДЭЧНА ЗАПРАШАЕМ!

Тэл. для даведак: 8 (017) 270-17-02.

Афіцыйны сайт: www.kolasmuseum.by

e-mail: info@kolasmuseum.by