Музычны чацвер на Акадэмічнай
10.02.2025
Запрашаем на новую праграму цыклу “Музычныя чацвяргі на Акадэмічнай”!
Ва ўтульнай гасцёўні Якуба Коласа свой талент падораць маладыя і натхнёныя артысты!
Салісты Заслужанага калектыву Дзяржаўнага камернага хору Беларусі выканаюць вядомыя песні і рамансы Глінкі, Рахманінава, Рымскага-Корсакава, Абеліёвіча, Афенбаха, арыі і дуэты Вівальдзі з яго знакамітай кантаты “Gloria” (RV.589).
Праграму канцэрта дапоўніць інструментальны цыкл для гітары і клавесіна “Успамін пра Нясвіж” сучаснага беларускага кампазітара Галіны Гарэлавай.
Мастацкі кіраўнік – заслужаная артыстка Рэспублікі Беларусь Наталля МІХАЙЛАВА
Вераніка Чарняўская (сапрана), Валерыя Ганчарэнка (сапрана), Аліна Злебава (меца-сапрана), Іван Сцепанцоў (фартэпіяна)
У канцэрце бярэ ўдзел лаўрэат міжнародных конкурсаў Дар’ян Шахаб (гітара).
20 лютага (чацвер), пачатак канцэрта – 18:30
Дзяржаўны літаратурна-мемарыяльны музей Я.Коласа (вул. Акадэмічная, 5).
Перад канцэртам для жадаючых будзе арганізавана наведванне экспазіцыі музея з экскурсаводам, пачатак у 18:00.
Квіткі магчыма набыць праз сістэму “Разлік”: Турызм і адпачынак –Экскурсіі, славутасці – Музей Якуба Коласа – Вечар на акадэмічнай.
Кошт – 20 рублёў, уключае наведванне экспазіцыі.
6+