Падарожжа па Стаўбцоўшчыне

28.10.2024

Напярэдадні дня нараджэння народнага паэта Беларусі, музей Якуба Коласа ладзіць разнастайныя святочныя мерапрыемствы.

1 лістапада з 10.00 да 15.00 адбудзецца XXXVIII навуковая канферэнцыя “Каласавіны”, прысвечаная 80-годдзю вызвалення Беларусі ад нямецка-фашысцкіх захопнікаў і 65-годдзю Дзяржаўнага літаратурна-мемарыяльнага музея Якуба Коласа.
А ўвечары, 1 лістапада ў 18.30 запрашаем на літаратурна-музычную праграму ад заслужанага калектыву Рэспублікі Беларусь “Дзяржаўны камерны хор Рэспублікі Беларусь”. Уваход – 20р.

2 лістапада адбудзецца падарожжа па родных мясцінах Якуба Коласа, удзел – 40р.

3 лістапада, у дзень нараджэння паэта, а 11-й гадзіне адбудзецца ўскладанне кветак да помніка Якубу Коласу (г. Мінск, плошча Якуба Коласа).