Пошук сэнсаў
31.10.20245 лістапада ў 18.30 у Дзяржаўным літаратурна-мемарыяльным музеі Якуба Коласа адбудзецца творчая сустрэча ў фармаце майстар-класа з заслужаным дзеячам мастацтваў Беларусі вядомым акцёрам і рэжысёрам Валерыем Анісенкам.
Што ж у аснове?
…Багаты вопыт чытальніка, педагога, вядучага прэстыжных канцэртаў, стваральніка аўтарскага тэатра на радыё і на Беларускім тэлебачанні, рэжысура ў тэатры, вопыт міжнародных тэатральных фестываляў і нават стварэнне тэатра Косці Трэплева на пленэры… І перад усім удумлівая праца над словам…
…Выдадзена пяць кніжак творчых дзённікаў, дзе перад намі ракрыты ўнікальны досвед тэатральнага мастацтва праз уласны багаты вопыт… І паўсюль спроба дакапацца да сэрцавіны, раскрыць філалагічную і філасофскую сутнасць…
Аб усім гэтым і шмат аб чым яшчэ пачуем 5 лістапада ў Вялікай гасцёўні Дома Песняра ад Майстра − Валерыя Данілавіча Анісенкі.
Сардэчна запрашаем!
Уваходны квіток – 6,50 руб.
