Творчая сустрэча з Ирынай Мышкавец

25.11.2024

У межах праекта “Простыя словы” запрашаем 27 лістапада 2024, у 18.30 на сустрэчу з Ірынай Мышкавец, вядучым навуковым супрацоўнікам Літаратурнага музея Максіма Багдановіча.

📕

Нядаўна ў Ірыны Вітальеўны выйшла кніга “Рэ/экспазіцыя. Штрыхі да біяграфіі Максіма Багдановіча”, зборнік артыкулаў розных гадоў, прысвечаны паэту, яго родным, калегам, сябрам… Прысвечаны музею зорнага пісьменніка, у якім гераіня сустрэчы адпрацавала больш за чвэрць стагоддзя.
Падчас сустрэчы мы даведаемся:

⚡️

 ці просты ён, даследчыцкі шлях у багдановічазнаўстве;

⚡️

якія адкрыцці здараліся ці не здараліся, якія былі цуды і расчараванні;

⚡️

хто, акрамя Максіма Багдановіча, яе любімыя героі;

⚡️

 якія артыкулы ўвайшлі ў зборнік і якія тэмы яшчэ чакаюць свайго часу.

🎸

Лірычную нотку сустрэчы дадасць выступ таленавітай спявачкі, мастацкага кіраўніка Народнага студэнцкага тэатра “Жывое слова” Алесі Сівохінай.

❗️

Вішанька на торце: пакажам экспанат, дзеля якога Ірына Мышкавец гатова прыходзіць у музей Якуба Коласа штодня.