Праект “Урок у музеі”
Дарагія сябры, Дзяржаўны літаратурна-мемарыяльны музей Якуба Коласа запрашае на ўрок у музеі!
Міністэрства адукацыі Рэспублікі Беларусь і Міністэрства культуры Рэспублікі Беларусь падпісалі пагадненне аб рэалізацыі агульнарэспубліканскага праекта “Урок у музеі”. Асноўны напрамак – арганізацыя і правядзенне ўрокаў на базе музейных экспазіцый установамі агульнай сярэдняй адукацыі.
Правядзенне навучальных заняткаў у рамках праекта «Урок у музеі» на працягу навучальнага года будзе ажыццяўляцца кожную першую сераду месяца на бязвыплатнай аснове па папярэднім запісе на падставе заяўкі, якая накіроўваецца ў музей не пазней чым за 3 дні да правядзення ўрока ў музеі.
Пералік тэм для правядзення навучальных заняткаў у рамках рэалізацыі праекта “Урок у музеі”:
| “Сямейны альбом Якуба Коласа” | 3 клас | Літаратурнае чытанне | Пазакласнае чытанне. Якуб Колас “Родныя вобразы” |
| Паэма “Новая Зямля”: творчая гісторыя напісання, вобразы і прататыпы | 5-7, 9 класы | Беларуская літаратура | Якуб Колас “На рэчцы”; “Дарэктар”, “Дзядзька-кухар”, “Новая зямля” |
| Паэма Якуба Коласа “Сымон-музыка” | 7 клас | Беларуская літаратура | Якуб Колас “У яго быў свет цікавы…” |
| Гісторыя напісання трылогіі Якуба Коласа “На ростанях” | 10 клас | Беларуская літаратура | Якуб Колас “На ростанях” |
Звяртаем вашу ўвагу – супрацоўнік музея не чытае лекцыю і не праводзіць экскурсію па музеі, а дае толькі кароткае экскурсійнае суправаджэнне па частцы музейнай экспазіцыі, якая тычыцца тэмы ўрока.