«Простыя рэчы»
У працяг ужо любімага нашымі гасцямі музейнага праекта “Простыя словы” мы запускаем “Простыя рэчы”. Гэты праект адкрывае новыя гарызонты для нашых гасцей, даючы ўнікальную магчымасць не толькі слухаць і вучыцца, але і актыўна ўдзельнічаць у працэсе стварэння. Мы ўпэўненыя, што кожны з нас здольны на большае, і «Простыя рэчы» – гэта шанец паспрабаваць сябе ў новым рамястве, асвоіць навыкі, якія могуць стаць не толькі захапленнем, але і практычным спосабам самавыяўлення.
У рамках праекта мы праводзім майстар-класы, на якіх удзельнікі змогуць пазнаёміцца з рознымі відамі традыцыйных і сучасных рамёстваў. Мы запрашаем толькі вопытных майстроў, якія падзеляцца сваімі ведамі і сакрэтамі, правядуць займальныя заняткі і натхняць на стварэнне ўнікальных рэчаў сваімі рукамі. Асноўная ідэя праекта – зрабіць рамяство даступным для ўсіх. Кожны ўдзельнік будзе мець магчымасць не толькі навучыцца новым тэхнікам, але і стварыць нешта асаблівае, што застанецца з ім на доўгія гады. Гэта могуць быць не толькі сувеніры, але і карысныя рэчы для дома, якія будуць нагадваць аб тым, што кожны з нас здольны тварыць.
«Простыя рэчы» – гэта не проста майстар-класы, але і прастора для зносін, абмену вопытам і натхнення. Мы запрашаем усіх жадаючых, незалежна ад узросту і ўзроўню падрыхтоўкі, далучыцца да нас. Тут вы зможаце сустрэць аднадумцаў, падзяліцца сваімі ідэямі і нават знайсці новых сяброў. У нашым музеі пануе атмасфера творчасці і падтрымкі, дзе кожны голас важны, а кожная праца – гэта крок да самавыяўлення. Мы імкнемся да таго, каб музей стаў месцам, дзе традыцыі пераплятаюцца з сучаснымі падыходамі, ствараючы нешта новае і ўнікальнае. Гэта магчымасць не толькі захаваць культурную спадчыну, але і ўдыхнуць у яе новае жыццё, перадаючы веды і навыкі наступным пакаленням.
Майстар-клас па беларускай народнай вышыўцы ад Галіны Рудніцкай
Галіна Рудніцкая – народны майстар Беларусі, даследчык беларускай традыцыйнай вышыўкі, аўтар шматлікіх дапаможнікаў па гісторыі і майстэрству вышывання.
Традыцыйная беларуская вышыўка – гэта не толькі мастацкае багацце, але і моцная сувязь з духоўнай культурай народа.
Майстар-клас па стварэнні свечак з вашчыны
Вашчына – гэта тонкія лісты з пчалінага воску, якія з двух бакоў маюць фактуру пчаліных сот. Яны ўвабралі ў сябе пах квітнеючай травы, мёда і павеюць сапраўдным летам у любую пару года! Такія свечкі вяртаюць нас да традыцый і лічацца абярэгам.
Майстар-клас па стварэнні Вялікоднага зайчыка ад Эрыкі Грышчанка
Пад чулым кіраўніцтвам Эрыкі Грышчанка стварылі ляльку-вялікоднага зайчыка ў традыцыйнай тэхніцы для ўпрыгожвання стала да светлага свята Вялікадня.
Майстар-клас па роспісу каляднай торбы
З набліжэннем зімовых святаў, як клапатлівыя вавёркі, мы бяжым запасацца святочнымі падарункамі і ласункамі. А каб змясціць усю гэтую безліч хараства нам проста неабходна адмысловая Калядная торба!
Разам з сапраўднай мастачкай зрабілі свае торбы ў стылі выцінанка!
Майстар-клас па аромадыфузарах ад інтэрактыўнага музея водараў “НОС”
Вечар у стылі Праванс: лекцыя ад парфумера і ароматэрапеўта Ксеніі Філіпавай, майстар-клас па стварэнні аромадыфузараў з лавандай.
Майстар-клас па стварэнні лялькі-мотанкі ад Эрыкі Грышчанкі
Кіраўнік аб’яднання па інтарэсах “У гасцях у Лялькі” Эрыка Грышчанка правяла майстар-клас па вырабе народнай лялькі-мотанкі.
Майстар-клас па традыцыйнай пісанцы ад Ганны Клімовіч
Пісанка – гэта не проста ўпрыгожанае яйка, гэта сапраўднае мастацтва, якое сімвалізуе абнаўленне і вясновае абуджэнне. Пісанкі, распісаныя старажытнымі ўзорамі, маюць вялікую сілу, служаць абярэгам на доўгія гады. Яны абараняюць дом і сям’ю, аберагаюць у дарозе, дапамагаюць выканаць жаданне, вылечваюць, напаўняюць жыццё радасцю і чароўнымі падзеямі!