27 красавіка 2011 года заключана пагадненне аб супрацоўніцтве паміж Дзяржаўным літаратурна-мемарыяльным музеем Якуба Коласа і Дзяржаўным мемарыяльным гісторыка-літаратурным і прыродна-ландшафтным музеем-запаведнікам А.С. Пушкіна "Міхайлаўскае" (Пушкінскі запаведнік) (Расійская Федэрацыя).
14 ліпеня 2011 года заключана пагадненне аб супрацоўніцтве паміж Дзяржаўным літаратурна-мемарыяльным музеем Якуба Коласа і Літаратурным музеем Аляксандра Пушкіна (Вільнюс, Літва).
Заключаныя пагадненні прадугледжваюць наступнае супрацоўніцтва:
- абмен выставамі;
- удзел навуковых супрацоўнікаў музеяў у навуковых канферэнцыях і семінарах;
- арганізацыю і правядзенне сумесных сустрэч, канферэнцый, семінараў, круглых сталоў;
- абмен дэлегацый музейных работнікаў;
- стварэнне сумесных праектаў і праграм;
- прадастаўленне навуковым супрацоўнікам практычнай дапамогі ў рабоце з архіўнымі і фондавымі матэрыяламі ў Беларусі і Літве.
Вялікі творчы вынік прыносяць трывалыя сувязі з Кіеўскім літаратурна-мемарыяльным музеем Максіма Рыльскага (Украіна). З 2005 года цягнецца творчая садружнасць музеяў, вынікам чаго стаў шэраг сумесных мерапрыемстваў і сустрэч: святкаванне 40-годдзя заснавання музея М. Рыльскага, удзел украінскіх калег у "Каласавінах", святкаванне 125-годдзя з дня нараджэння Якуба Коласа, сумесная пошукава-фондавая работа ў музейных архівах, 115-годдзе з дня нараджэння Максіма Рыльскага.
24 студзеня 2013 года заключана пагадненне аб супрацоўніцтве паміж Дзяржаўным літаратурна-мемарыяльным музеем Якуба Коласа і Калінінградскім абласным гісторыка-мастацкім музеем.
3 лістапада 2014 года падпісана дамова аб творчым супрацоўніцтве ў галіне вывучэння, выдання, папулярызацыі, прадстаўлення грамадству творчасці Марыны і Анастасіі Цвятаевых і Якуба Коласа паміж Літаратурна-мастацкім музеем Марыны і Анастасіі Цвятаевых (г. Аляксандраў, Расійская Федэрацыя) і Дзяржаўным літаратурна-мемарыяльным музеем Якуба Коласа.
24 лютага 2017 года падпісана дамова аб супрацоўніцтве з беларускай суполкай "Крыніца" горада Клайпеда.
З чэрвеня 2018 года музей супрацоўнічае з Нацыянальным культурным цэнтрам г. Клайпеда.
Са жніўня 2018 музей супрацоўнічае з Асацыяцыяй BELLARUS (Неапаль, Італія).
9 ліпеня 2018 года падпісана дамова аб супрацоўніцтве з Абласной бюджэтнай установай культуры "Курскі абласны краязнаўчы музей" і ўстановай "Абаянскі краязнаўчы музей", філіялам Курскага абласнога краязнаўчага музея.
8 лютага 2019 года падпісана дамова аб супрацоўніцтве з Інстытутам літаратуры і мастацтва імя М. А. Ауэзава Камітэта навукі Міністэрства адукацыі і навукі Рэспублікі Казахстан.
17 мая 2019 года падпісана дамова аб супрацоўніцтве з Цяньцзіньскім універсітэтам замежных моў.
