Сёння, у дзень, калі 64 гады назад адкрыў свае дзверы для першых наведвальнікаў музей Якуба Коласа, у вялікай гасцёўні закрасавала прыгажуня-ялінка, якія заззяла сотняй рознакаляровых агеньчыкаў і на якой знайшлі свой "дом" героі вядомых твораў сусветнай і беларускай літаратур, у тым ліку і, канечне ж, Костусь з паэмы "Новая зямля". Цудоўныя елачныя цацкі з ваты - амаль такія ж, як і ў часы Якуба Коласа, - зрабіла сапраўдная чараўніца, сябра нашага музея Ніна Аляксееўна Шаблінская.
Сапраўдным падарункам да дня нараджэння музея стаў выхад першага музейнага каталога па калекцыі кніг з дарчымі надпісамі Якуба Коласа "Ад усяго сэрца, ад усёй душы", які сёння прэзентавалі ў вялікай гасцёўні.
