Калядныя прыгоды ў Доме Коласа

У Доме-музеі Якуба Коласа прайшоў першы дзіцячы ранішнік "Калядныя прыгоды ў Доме Коласа". Навучэнцы 2 курса групы 220Н Мінскага гарадскога педагагічнага каледжа пад кіраўніцтвам выкладчыка беларускай мовы і літаратуры Алены Паўлаўны Жураўлёвай падрыхтавалі для вучняў 1 "А" класа сярэдняй школы № 19 імя Я. Купалы г. Мінска (класны кіраўнік Людміла Георгіеўна Гутнік) калядны спектакль, у якім гучалі вершы Якуба Коласа. А таксама правялі вясёлыя гульні і танцы каля елачкі. Першакласнікі чыталі вершы Дзядулю Марозу і Снягурцы, разгадвалі загадкі і атрымлівалі заслужаныя падарункі.