Шаноўныя сябры! Вашай увазе прадстаўляем фотарэпартаж з круглага стала “Коласава слова яднае народы і літаратуры Беларусі і Узбекістана”.
Сёлета падчас правядзення XXX Мінскай міжнароднай кніжнай выстаўкі-кірмашу, у Мінску праходзяць Дні літаратуры Узбекістана ў Беларусі, арганізатарам якіх з’яўляецца Міністэрства інфармацыі Рэспублікі Беларусь, Саюз пісьменнікаў Беларусі.
21.03.2023 года ў Дзяржаўным літаратурна-мемарыяльным музеі Якуба Коласа адбыўся “круглы стол” на тэму “Коласава слова яднае народы і літаратуры Беларусі і Узбекістана”, прысвечаны Я. Коласу і часу яго знаходжання ў Ташкенце. Гасцямі сталі ўзбекскія пісьменнікі і выдаўцы, якія расказалі аб захаванні памяці беларускага Песняра на іх радзіме. Сустрэча стала яшчэ адным сведчаннем нашага духоўнага адзінства.