Да нас у госці прыехалі архіепіскап Пінскі і Лунінецкі Стэфан, журналіст з Лунінца Таццяна Канапацкая, а таксама браты-святары: прэс-сакратар Пінскай епархіі іерэй Іаан Гарбуноў і протадыякан Свята-Пакроўскага храма г. Баранавічы Андрэй Гарбуноў з жонкай Святланай. Госці падрыхтавалі творчы сюрпрыз: канцэрт душэўных песень у выкананні Андрэя Гарбунова, яго жонкі і сяброў-музыкаў. Гледачы пачулі святочнае віншаванне архіепіскапа Пінскага і Лунінецкага Стэфана з Раством Хрыстовым і Новым годам, з добрымі словамі і песнямі выступілі дзяўчаты з нядзельнай школы пад кіраўніцтвам Кацярыны Фёдараўны Кадоліч Царквы Святой Параскевы Пятніцы з Альшанаў.
Усё дзеці атрымалі ад дырэктара Дзяржаўнага літаратурна-мемарыяльнага музея Якуба Коласа Аляксандра Васільевіча Храмога святочныя падарункі - толькі што выдадзеныя па ініцыятыве музея шыкоўныя кнігі для дзяцей Якуба Коласа.
Пасля заканчэння канцэрту адбылася экскурсія па музеі, гасцям было надзвычай цікава паслухаць гісторыі аб жыцці і творчаці Якуба Коласа, якія распавёў старшы навуковы супрацоўнік Аляксандр Крыжэвіч.