“Зоркі таемныя, зоркі далёкія…”
Лекцыі практыкуючага авестыйскага астролага
Анжалікі Кірэевай у межах музейнага праекта “Простыя словы”
Жаданне зазірнуць у будучыню, разгадаць дзівацтвы лёсу і растлумачыць хаатычнае спляценне акалічнасцяў – уласціва чалавечай душы.
Астралогія – гэта эмпірычная сістэма ведаў. Яшчэ ў старажытнасці людзі глядзелі на зорнае неба, імкнуліся вывучыць рух планет і зорак, спрабавалі параўнаць становішча свяцілаў з тым, што адбываецца на зямлі. З часам ім удалося вывесці пэўныя заканамернасці сувязі космасу, прыроды і чалавека.
У канцы 20-га стагоддзя прачнулася цікавасць да даўно забытых ведаў у астралогіі, у тым ліку, да авестыйскай, якая будуецца на прынцыпах дабра і зла з нязменнай перамогай святла.
Кірэева Анжаліка Анатольеўна – выпускніца Авестыйскай школы астралогіі г. Мінска, практыкуючы авестыйскі астролаг з 2007 г. прапануе цыкл лекцый:
30 мая 2023 года – лекцыя “Астралогія – ключ да карэкцыі свайго лёсу”. На першай сустрэчы лектар пазнаёміць з асноўнымі тэрмінамі і астралагічнай сімволікай. На прыкладзе асобы Якуба Коласа прааналізуе матрыцу лёсу знакамітага паэта.
9 чэрвеня 2023 года – лекцыя “Сем кален продкаў – сем ступеняў абароны. Адлюстраванне ў карце нараджэння 7 кален продкаў.”
На лекцыі слухачы даведаюцца пра тое, як сіла роду дапамагае спраўляцца з непрыемнасцямі і пераадольваць жыццёвыя нягоды, і чаму так важна культываваць гэтую сілу і перадаваць яе наступным пакаленням.
Пачатак а 18 гадзіне.
Кошт білета – 6 рублёў.
Лекцыі на рускай мове.